Türkdilli Ölkələrin Dövlət Başçılarının IX Zirvə Toplantısında iştirak etmək üçün Naxçıvana gələn Türkiyə Prezidenti Abdullah Gül Naxçıvan Türk Liseyində də olub. Şagird və müəllim heyəti tərəfindən xoş ovqatla qarşılanan Gülün şərəfinə liseydə tədbir təşkil olunub.Naxçıvan türk liseyləri Baş İdarəsinin rəisi Murat Çapan Mustafa Kamal Atatürkün “Türk qapısı”, Kazım Karabəkir Paşanın “Şərq qapısı” kimi xarakterizə etdikləri Naxçıvanda Türkiyə Cümhurbaşqanını görməkdən qürur duyduqlarını vurğulayıb. M. Çapan liseylərin fəaliyyəti barədə A. Gülə məlumat verib.

“Bilik günü”ndə Şərur şəhərindəki Akademik Əhməd Mahmudov adına Şərur Türk Liseyinin yeni binası istifadəyə verilib. Bu münasibətlə düzənlənən tədbirdə akademik Əhməd Mahmudovun oğlu - Azərbaycan Respublikasının Milli Təhlükəsizlik naziri Eldar Mahmudov da iştirak edib. Mərasimdə çıxış edən E. Mahmudov “Bilik günü” münasibətilə liseyin müəllim və şagird kollektivini təbrik edib. Azərbaycanın hər bir bölgəsinin sürətlə inkişaf yolu tutduğunu söyləyən nazir doğma Naxçıvanın da gündən-günə tərəqqi etdiyini vurğulayıb.

Naxçıvan Muxtar Respublikasında fəaliyyət göstərən Şərur Türk Liseyi may aynın 17-də, Ordubad Qız Liseyi 20-də və nəhayət Naxçıvan Türk Liseyi 24-də məzunların 14-cü buraxılış mərasimini keçirdi. Mərasim Azərbaycan Xalqının Ümummilli Lideri Heydər Əliyevin əziz xatirəsini yad etmək məqədi ilə 1 dəqiqəlik sükut, ardınca Azərbaycan Respublikasının və Türkiyə Cümhuriyyətinin dövlət himnlərinin səsləndirilməsi ilə açıq elan olundu.

Türkiyənin Antaliya şəhərində may ayının 16-18-i tarixləri arasında keçirilmiş Ənənəvi Riyaziyyat Olimpiadasında Naxçıvan Türk Liseyinin X sininf şagirdi Elçin Əliyev bürünc medal qazanmışdır.

May ayının 14-dən 16-na kimi Gürcüstanın paytaxtı Tbilisi şəhərində keçirilən III Beynəlxalq Gənc İxtiraçılar Layihə Olimpiadasında Naxçıvan Muxtar Respublikasını liseylərimizin şagirdləri təmsil etmişlər.

May ayının 9-dan 11-nə kimi Türkiyənin paytaxtı Ankara şəhərində beynəlxalq E-BİKO olimpiadası təşkil olunmuşdur.

May ayının 7-də Qafqaz Universitetinin psixoloqu Hüseyn Xəlilov Naxçıvan Türk Liseylərinin 11-ci sinif şagirdlərinə “Universitetə necə səmərəli hazırlaşılmalı” mövzusunda seminar vermişdir. Hamının bildiyi kimi, imtahanlar yaxınlaşdıqca abituriyentlərdə psixoloji gərginlik və stres artır, bu da şagidlərdə özünəinama müəyyən dərəcədə təsir edir. Bu seminarın əsas məqsədi də məhz bu problemləri aradan qaldırmaq idi.

Aprel ayının 1-dən 5-nə kimi Azərbaycan Respublikası Dövlət Neft Şirkətinin, Azərbaycan Respublikası Ekologiya və Təbii Sərvətlər və Azərbaycan Respublikası Təhsil nazirliklərinin, "Çağ" Öyrətim Şirkəti, eləcə də İstimai Televiziyanın rəsmi dəstəyi ilə "İNEPO-EUROASİYA"-Ətraf Mühitin Mühafizəsi III Beynəlxalq Layihə Olimpiadası keçirildi.

Bu hadisələrə hələ XIX əsrin əvvəllərindən başlanılmışdı. Ermənilərin başqa ölkələrdən Qarabağa və Zəngəzura köçürülməsi nəticəsində demoqrafik vəziyyət zorla dəyişdirilmişdi. 1905 və 1918-ci illərdə azərbaycanlı əhalinin kütləvi qırğınları, 1918-ci ildə tarixi Azərbaycan torpaqlarında Ermənistan dövlətinin yaradılması və Azərbaycanın ən mühüm mədəniyyət mərkəzlərindən biri olan İrəvanın Ermənistana güzəştə gedilməsi, 20-ci illərdə sovet hökuməti tərəfindən Zəngəzurun ermənilərə verilməsi, 1948-53-cü illərdə yüz minlərlə azərbaycanlının indiki Ermənistan ərazisindəki əzəli torpaqlarından deportasiyası və s. faktlar soyqırım tarixinin faciəli və qanlı səhifələridir.

Türkiyənin İstanbul şəhərində mart ayının 21-də keçirilən “COŞMAYA” Riyaziyyat olimpiadasında Naxçıvan Türk Liseylərindən (3-ü Naxçıvan Türk Liseyindən, 2-si Şərur Türk Liseyindən olmaq üzərə) iştirak edən şagirdlər böyük nailiyyətlərlə vətənə qayıtmışdırlar.